Огноо: 2018/8/23 13:45:38

Хамгийн өндөр орлоготой 10 эмэгтэй тамирчин

Форбс сэтгүүл сүүлийн нэг жилийн хугацаанд хамгийн өндөр орлого олсон эмэгтэй тамирчдын жагсаалтыг гаргажээ. Топ 10-т багтсан эмэгтэй тамирчдын нийт орлого 105 сая доллар болов. Үүнд шагналын мөнгө, зар сурталчилгаанаас олсон орлого багтжээ.

1. Серена Уильямс – Шагналын мөнгө 62 мянган доллар, зар сурталчилгаанаас олсон орлого 18 сая доллар гэнэ. Серена эгч Винустэйгээ мэргэжлийн теннист хар багаасаа бэлтгэгдсэн. Хоёулаа ээлж дараалан дэлхийн №1 цохиур болж байлаа. Серена олимпийн дөрвөн удаагийн аварга бөгөөд Их дуулгын бүх дөрвөн тэмцээнд түрүүлж байсан нэгэн.

2. Каролин Возняцки – Шагналд долоон сая, зар сурталчилгаанаас зургаан сая доллар олсон.

Польш гаралтай Данийн энэ теннисчин бүсгүй дэлхийд чансаагаараа хоёрт бичигдэж байгаа.

3. Слоан Стивенс – Шагналд 5,7 сая, зар сурталчилгаанаас 5,5 сая доллар олсон.

Америкийн мэргэжлийн теннисчин бүсгүй. Өнгөрсөн жил АНУ-ын нээлттэй тэмцээнд түрүүлжээ.

4. Гарбинье Муругуса – Шагналд 5,5 сая, зар сурталчилгаанаас 5,5 сая доллар олжээ.

Испанийн мэргэжлийн теннисчин.

5. Мария Шарапова – Шагналд 1 сая, зар сурталчилгаанаас 9,5 сая доллар олсон.

Дэлхийн №1 цохиур асан Оросын теннисчин бүсгүй. “Их дуулга”-ын бүх дөрвөн тэмцээнд түрүүлж байв. Зар сурталчилгаанаас хамгийн их орлого олдог нэгэн.

6. Винус Уильямс – Шагналд 4,2 сая доллар, зар сурталчилгаанаас 6 сая доллар олжээ.

Уимблдоны таван удаагийн аварга, Америкийн теннисчин бүсгүй.

7. Пусарла Венката Синдху – Шагналд 500 мянган доллар, зар сурталчилгаанаас 8 сая доллар олжээ.

2016 оны олимпийн наадмаас мөнгөн медаль хүртсэнийхээ ачаар Энэтхэгийн бадминтончин бүсгүй долларын саятан болжээ.

8. Симона Халеп – Шагналд 6,2 сая доллар, зар сурталчилгаанаас 1,5 сая доллар олсон.

Румыны мэргэжлийн теннисчин энэ бүсгүй 2018 онд Францын нээлттэй тэмцээнд түрүүлснээр дэлхийн №1 цохиур болж чадсан.

9. Даника Патрик – Шагналд 3 сая доллар, зар сурталчилгаанаас 4,5 сая доллар олжээ.

Америкийн автомашины уралдааны тамирчин. 10 жилийн өмнө Даника Индикар тэмцээнд аваргалсан анхны эмэгтэй болжээ. 1992 онд аравхан настайдаа анхны уралдаандаа оролцсон. АНУ-ын хамгийн алдартай эмэгтэй тамирчдын нэг. Чөлөөт цагаараа клипэнд тоглож, телевизийн шоуд оролцохын зэрэгцээ фотомоделийн ажлыг хийхээ мартдаггүй.