Н.ЭНХБАЯР ЗАХИАЛГААР НАМЫНХАА ГИШҮҮДИЙГ ЗОДУУЛЖЭЭ

МАХН-ын дарга Н.Энхбаяр, УИХ-ын гишүүн О.Баасанхүү нар нэгэн цагт салахын аргагүй “ах, дүү” байв. 2017 оны Ерөнхийлөгчийн сонгуулиар тус намын дарга Н.Энхбаяр “хуурай дүү”-гээ С.Ганбаатараар сольж,  түүний нэрийг сойсон нь ах дүүгийн барилдлагад ан цав үүссэн гэж болно. Ганц дайчин ганцаардахгүй гэдэг О.Баасанхүү гишүүн одоо Н.Энхбаяр “ах”-ыгаа үзэж чадахаа больсон.

Нэгэн үе намынхаа төлөөлөл болж ганцаар УИХ-ын танхимд суусан түүний оронд өөр хүн парламентад оруулах тухай яриа МАХН-аас гарах болжээ. Тус намын дэд дарга С.Ганбаатар уг саналыг гаргасан гэх. Харин О.Баасанхүү гишүүн энэ талаар  “Галзуу хүний өмнөөс хариулаад яах вэ. МАХН бага хурлаараа Их хурлаа хуралдуулсан. Энэ хурлаараа Н.Энхбаярыг намын даргаар хэвээр үлдээгээд их хурлын ганц гишүүнээ намын  дэд дарга болгох шийдэрт хүрсэн. Гэтэл Н.Энхбаяр өөрийн хүмүүсээрээ намынхаа эгэл жирийн гишүүдийг зодуулсан. Тиймээс намын гишүүд даргаас нь огцруулсан. Энэ хүн яагаад ийм үйлдэл хийгээд байгааг үнэндээ мэдэхгүй юм. Хүн нас нь ахиад ирэхээр мөрөөдлөө яриад, өөрөө тэрэндээ итгээд хүүхэд шиг болдог.  Өнөөдөр Н.Энхбаяр МАХН гэж шинэ туг, лого ашиглаж байгаа. Улс төрийн намын тухай хуулиар намын туг, логог Дээд шүүхэд бүртгүүлснээр ашиглана гэж заасан. Тэгэхээр яг одоо  МАХН-ын үйл ажиллагаа зогссон байгаа” гэх тайлбарыг өгчээ.

Updown.mn