Ц.НЯМДОРЖ ЖАСТИН КАПЛАГААР АВТОМАШИН “АВАХУУЛЧИХСАН” ЮМ БАЙНА

Хууль зүй, дотоод хэргийн сайд Ц.Нямдоржийн 360 сая төгрөгийн үнэтэй тансаг зэрэглэлийн автомашины талаар нэг хэсэг шуугиж байв.   Төрийн сайдууд төсвийн мөнгөөр тансаглаж байгаагийн нэг жишээ нь энэ үйл явдал байв.  Ц.Нямдорж сайдад ШШГЕГ-ын дарга Ц.Амгаланбаярын зүгээс барьсан бэлэг гэдэг нь ч үнэн байсан. Гэхдээ Ц.Амгаланбаярын бэлгийн эх үүсвэр нь  “Саусгоби Сэндс” компанийн Жастин Каплагийн 35 тэрбум төгрөг болж таарлаа.  Жастин Капла нар нь бүлэглэн Монгол Улсын татварын хуулийг зөрчиж, хоёр удаагийн үйлдлээр 35 тэрбум төгрөгийн татвараас зайлсхийсэн байдаг.

Анхан шатны шүүхээс түүнийг татвараас зайлсхийсэн хэрэгт буруутай хэмээн үзэж Жастин Каплад таван жил 10 сарын хорих ял оноож байв. Харин улсад учруулсан хохирол болох 35 тэрбум төгрөгийг “Саусгоби Сэндс” компаниас гаргуулахаар шийдвэрлэсэн юм. Түүний  дараа Ерөнхийлөгч Ц.Элбэгдорж АНУ-ын иргэн Жастин Каплаг өршөөсөн байдаг.  Капла шүүхийн шийдвэрийн дагуу Монгол улсад 35 тэрбумыг төлөх ёстой. Тэр өрөө төлж барагдуулжээ.  Мөн тэр мөнгөний тодорхой хувь нь ийнхүү  Хууль зүй, дотоод хэргийн сайд Ц.Нямдоржид автомашин болж  ирсэн байх  нь.

УИХ-ын гишүүн Ц.Нямдорж Жастин каплаг өршөөх Ерөнхийлөгчийн зарлигийг дэмжиж байсан байна.  Г.Уянга тэргүүтэй тухайн  үеийн УИХ-ын гишүүд Жастин Каплатай холбоотой зарлигийг УИХ-ын чуулганаар оруулах ёстой гэж байсан ч Ц.Нямдорж  “Монгол Улсын Ерөнхийлөгчийн зарлигт бид хөндлөнгөөс оролцож “шүүх” шаардлагагүй. Г.Уянга сонгууль дөхөөд ирэхээр ард иргэдэд таалагдаж магадгүй гэсэн сэдвийг атгаж аваад ийм асуудал ярьж байгаа нь утгагүй юм. Ерөнхийлөгчийн зарлиг хууль зөрчсөн эсэхийг УИХ-аар ч хэлэлцэх шаардлагагүй” гэжээ.  Тэгэхээр Ц.Нямдорж явж явж, Жастин каплагаар автомашин “авахуулчихаж”.

Эх сурвалж: Polite.mn