Манай улсыг олборлох үйлдвэрлэлийн ил тод байдалаараа хэвийн гэж олон улсаас үнэлжээ

Монгол Улс олборлох үйлдвэрлэлийн ил тод байдлын санаачлага авсан хоёр дахь орон болжээ

Өнөөдөр “Олборлох үйлдвэрлэлийн ил тод байдлын санаачлага” үндэсний зөвлөлөөс мэдээлэл хийлээ. Манай улс олборлох үйлдвэрлэлийн олон улсын ил тод байдлын санаачлагад 2007 оноос нэгдэн оржээ. Энэ байгууллага төр, хувийн хэвшил, ард иргэдийн оролцоотой орчин үеийн дэвшилтэд, байгаль орчинд аюулгүй уул уурхайг Монгол Улсад хөгжүүлэхэд санаа тавьдаг ажилладаг.

Тэрбээр Ерөнхий сайдын ажлын албаны дарга, Үндэсний зөвлөлийн нарийн бичгийн дарга Н. Энх-Амгалан хэлэхдээ:

-Монгол Улсад олборлох үйлдвэрлэл явуулж байгаа уул уурхайн салбарын гол нэгжүүдэд гадаадын зөвлөх, иргэний нийгмийн байгууллага дүн шинжилгээ хийж, чансаа гаргасан. Энэ чансаа өндөр нарийвчлалтай явагдаж байгаа бөгөөд Монгол Улс олборлох үйлдвэрлэлийн ил тод байдлын санаачлага хөгжиж байгаа байдлаар батламж авсан хоёр дахь орон болж байна. Эхний батламжийг Филиппин улс авч байсан. Олборлох үйлдвэрлэлийн ил тод байдлын санаачлага олон улсын байгууллагад нийт 51 орон гишүүнчлэлтэй. Манай орны олборлох үйлдвэрлэлийн ил тод байдал дэлхийн бусад орныг бодвол хэвийн хэмжээнд явж байна гэж олон улсын байгууллага дүгнэсэн. Манай чансаа ийн дээшилснээр Монголд гадаадын хөрөнгө оруулалт нэмэгдэнэ. Бидний зүгээс Монгол Улс бизнес эрхэлж болох орон байна гэдгийг гаднын хөрөнгө оруулагчдад өгч байна. Манайд иргэний нийгмийн оролцоо хангалттай хэмжээнд байгаа юм” хэмээлээ.

А. Дүүрэнжаргал