Жастын Батхүү архинд орж сэтгэцийн өөрчлөлттэй болсон уу!

2009 онд “Жаст “компани “Эрдэнэт “үйлдвэрийн 51 хувийг Засгийн газраар баталгаа гаргуулан Их Британийн  “Стандарт “банкны Өмнөд Африкийн салбарт барьцаанд тавьж зээл авсан хэрэг өнөө хүртэл арбитрын шүүхээр хэлэлцэгдэж байгаа нь ёстой л гурвалжин, дөрвөлжин маргаан, мэдэгдлийг дагуулж байна.

Энэ хэргийн гол буруутан болох Жастын Батхүү тухайн үед бүх хөрөнгөө хураалгаж, шоронд орж өршөөлөөр суллагдсан боловч түүний тарьсан хэрэг өнөө хүртэл эцэслэн шийдэгдээгүй улс төрчдийн нэгнээ буруутгах сэдэв болчихоод байгаа юм . Үүнтэй холбогдуулан сүүлийн үед Ш.Батхүүг архинд гүн орж, сэтгэцийн өөрчлөлттэй болсон талаар ярих хүмүүс их болжээ.

Улсын ганц саалийн үнээг барьцаанд тавьж авсан зээлээ “Жаст “компани 2012 он дуустал өөрсдөө төлж явснаа 2013 оноос төлж чадахгүйд хүрсэн байдаг.  Үүнээс хойш “Стандарт ”банк өрөө нэхэн баталгаа гаргасан “Эрдэнэт “үйлдвэртэй заргалдаж яваа юм Энэ хооронд “Жаст “компани дампуурч зээлээ төлөхөөсөө өнгөрснөөс гадна тус компанийн эзэн болох  Ш.Батхүү шүүхээр орж ял аваад аль хэдийнэ өршөөгдчихсөн байгаа юм.

Шүүхийн шийдвэрээр Монголын “Эрдэнэт ”үйлдвэр “Жаст ”-ын зээлээс 51 сая ам.долларыг хүүтэй, хүүгийн алдангитай нь төлөхөөр болоод байгаа тухай мэдээллийг өнөө ХМХ-д цацаж байна . Мөн шүүх ажиллагаанд зарцуулсан Өмнөд Африкийн “Стандарт ”банкны үйлчилгээний хөлсийг нь төлөх аж.

Ш.Батхүүд өнөөх баталгааны бичигт тухайн үеийн ТӨХ-ны дарга /Одоо ҮХЦ-ийн гишүүн/ Д.Сугар, Монгол, Оросын хамтарсан УБТЗ ХНН-ийн дарга Т.Очирхүү, “Эрдэнэт “үйлдвэрийн захирал Ч.Ганзориг нар гарын үсэг зурсан гэдэг. Үүнд мөн тухайн үеийн Ерөнхий сайд С.Баярыг нөлөөлсөн хэмээх яриа ч бий. Гэвч Монголын хууль хяналтынхан тэдний гарын үсгийг Ш.Батхүү хуурамчаар ашигласан хэмээн ял өгсөн ба тэр нь Өршөөлийн хуульд хамрагдсан хэрэг.

Тэгвэл олон улсын арбитрын шүүх манай дарга нарын гарын үсэг хуурамч биш жинхэнэ гэж үзсэн ба үүнтэй холбоотойгоор “Эрдэнэт “үйлдвэр арбитрын шүүхийн давж заалдах шатанд  ялагдаад байна.

Үүний улмаас 100-гаад сая ам.долларыг Монгол улс Стандарт банкинд төлхөөр болж байгаа юм. Монгол Улс гэхээр “Эрдэнэт “үйлдвэр л төлж таарна.

Монгол Улсын Засгийн газар “Эрдэнэт үйлдвэр ”-ийг 100 хувь төрийн мэдэлд авч, хувьцаат компани болгох, тодорхой хувийг нийт иргэддээ хувьцаа болгон эзэмшүүлэхээр шийдсэн. Иргэдэд эзэмшүүлэх хувьцааны 10 хувийн сайхан амлалт эсрэгээрээ олон асуудлыг ийнхүү араасаа дагуулаад байна.

“Эрдэнэт үйлдвэр ”зэсийн үнэ өндөр үед 100 сая ам.долларын ноогдол ашиг хувиарласан байдаг ба үүний 10 хувь нь 10 сая ам.доллар. Иргэддээ хуваавал 3.3 ам.доллар буюу 8000 орчим төгрөг. Бүх юмыг сайнаар бодвол бид жилд 8000 төгрөг авч тэнгэрийн умдаг атгах бололтой.

Эх сурвалж: Tug.mn

http://tug.mn/?p=24526