Ким Жон Уныг элэглэгч хөгжөөн дэмжигчдийг бухимдуулав

Пёнчанд болж буй өвлийн олимпийн наадамд Умард Солонгосын удирдагч Ким Жон Уныг элэглэн дуурайгч үе үе ил гарч олны анхаарлыг татах болсон. Тэрээр өнгөрөгч баасан гарагт нээлтийн үеэр АНУ-ын ерөнхийлөгч Дональд Трампыг дуурайгчтай хамт стадионд орж ирснийг хамгаалалтынхан хөөн гаргаж байв.

Тэгвэл тэрээр өчигдөр хоккейн тэмцээн болж буй танхимд орж ирж, Умард Солонгосын хөгжөөн дэмжигчдийн урдуур алхжээ. Их удирдагчийг нь элэглэж байгаа хүнийг хараад тэдний царай хэрхэн хувирч байгааг зурагнуудаас харж болохоор байна.

Удалгүй зохион байгуулагчид “хуурамч” Ким Жон Уныг тэмцээний танхимаас албадан гаргажээ.