ХЯТАДЫН “ПEТРО ЧАЙНА ДАЧИН ТАМСАГ” КОМПАНИЙН ОЛБОРЛОЖ БУЙ ГАЗРЫН ТОСНЫ ХОГИЙГ ЧОЙБАЛСАН ХОТОД ХАЯХЫГ ЗӨВШӨӨРӨХ НЬ ЗӨВ ҮҮ?
Доорх харагдаж буй овоолго бол газрын тосны 21 дүгээр талбайд хуримтлагдсан хог хаягдал.
Тус хогийг булж хаях устгах ажлыг Улаанбаатар хотын компани гүйцэтгэхээр болж Хятадын компанитай гэрээ байгуулсан байна.
Улаанбаатар хотын компани хог устгалын ажлыг зун эхлүүлж Халх гол сумын хогны цэг дээр хаяхаар төлөвлөсөн ч нутгийн удирдлагууд зөвшөөрөөгүй аж.
Тийм учраас Чойбалсан хот руу тээвэрлэн авчирч хаяхаар төлөвлөсөн гэдгийн нутгийнхан нь хэлж байна.
Ийнхүү УБ хотын компани өчигдрөөс /2017.11.27/ эхлэн Чойбалсан хотын тээврийн жолооч нартай гэрээ байгуулан нууцаар хог тээвэрлэж Чойбалсан хотод хаях ажлыг эхлүүлсэн байна.
Чойбалсан хот газрын тосны 21 дүгээр талбайд олборлолт хийж буй Хятадын компанийн хогны цэг биш учраас холбогдох төрийн дарга, ажилтнууд анхааралдаа авч хариуцлагатай ажиллах шаардлагатай байна.
Улмаар энэ мэт хог хаягдлыг хаана яаж устгаж болохыг аймгийн БОАЖГ -ын дарга зохих хуулийн дагуу шийдэх ёстой болов уу гэж бодно.
Тус байгууллага нь аймгийн Засаг даргын удирдлагад ажилладаг тул Засаг дарга Мягмарсүрэн Бадамсүрэн анхааралдаа авч асуудлыг шийдэх нь зүйд нийцнэ…
Мэнэнгийн тал болон Чойбалсан хот маань хогны цэг болох учиргүй юм.
URL:
