АТГ-ААС 20 САЯ ТӨГРӨГИЙН АВЛИГА АВСАН Д.БАТБАЯР, К.АЙДОС НАРЫГ ШАЛГАЖ БАЙНА

Өнгөрсөн долоо хоногт Авто тээврийн үндэсний төвийн хэлтсийн дарга К.Айдос, Д.Батбаяр нарыг АТГ-аас саатуулсан гэх дуулиан намжаагүй байгаа. Өрөөндөө 20 сая төгрөгийн авлига авсан Д.Батбаярт холбогдох хэрэгт К.Айдос, Ш.Батсайхан нарыг давхар шалгаж эхэлжээ.

АТГ-аас  БНХАУ руу нүүрс тээвэрлэх том оврын автомашины “С” зөвшөөрөл өмнөх онуудаас гэнэт хоёр дахин нэмэгдсэн гэх гомдлын мөрөөр тус байгууллагад  шалгалт явуулах үед дээрх хэргийг үйлдэл дээр нь илрүүлж саатуулсан байдаг.  Авлигын шинжтэй 20 сая төгрөгийг хураан авч, хэрэгт хамааралтай байж болзошгүй хүмүүсийг гадуур шалгаж эхлээд байгаа аж.