АН-ын бүлгийн гишүүдийг чуулганд урилгаар суулгах уу?

“Сайд болох гэж байгаа нөхдөөс дөрвөн хүн л сууж байна. Хорь хүрэхгүй гишүүн энэ танхимд байна. Ардчилсан намаас нэг ч хүн алга. Ардчилсан намынхныг хуралдаа ирэхийг урьж байна” хэмээн өчигдрийн чуулганы нэгдсэн хуралдаан дээр УИХ-ын гишүүн Д.Тэрбишдагва сонгогчдынх нь өмнөөс тэдний ажлыг санууллаа. Тэрээр, “Хөдөө, орон нутаг руу явж УИХ-д сонгогдох болохоор очоод сайхан, сайхан юм ярьчихдаг. Хүнс, хөдөө аж ахуйн сайдын асуудлыг ярьж байхад хуралдаа ирдэггүй байж таарахгүй. Өнөөдөр хүнснээс ангид хүн хаана ч байхгүй. Бүгдэд хамаатай асуудал. Ажлын байрыг хамгийн олноор бэлтгэх боломжтой нь ХХААХҮ-ийн салбар юм. Төрийн ордон 24 цаг ажиллаж болно. Гишүүд нэг өдөржин хуралд суугаад ядарцгааж болохгүй.