Сүүлийн 100 жилд тохиогоогүй хүйтэн өвөл болно

Хөгшин Европын цаг уурын мэргэжилтнүүд есдүгээр сарын дундаас эхлээд л “Өвөл айсуй” (Winter is coming!) хэмээн анхааруулж эхэлсэн. Их Британи болон бусад улс иргэддээ дулаан хувцас, зузаан хөнжлөө үнэ нь өсчихөөс өмнө эртхэн бэлдэхийг ард иргэддээ анхааруулж буй. Учир нь энэ онд сүүлийн 100 жилд тохиолдоогүй хүйтэн өвөл болно гэж үзэж байгаатай холбоотой аж.

Манай гариг энэ жил уур амьсгалын шинэ үе шат руу орж байгаа юм байна. Тодруулбал, нарны идэвхжил буурч буй бөгөөд ийм үзэгдэл хамгийн сүүлд өнгөрсөн зуны 50-иад онд ажиглагдаж байжээ.

Цаг уурчдын үзэж байгаагаар, түүхэнд дээгүүрт орох хүйтэн цаг агаар энэ сарын дундаас л тэмдэглэгдэж эхлэх бөгөөд арваннэгдүгээр сар гэхэд хуучин тив аль хэдийнэ цас мөсөөр хучигдсан байх гэнэ.