СОНГИНОХАЙРХАН ДҮҮРЭГТ ҮЕР БУУЖЭЭ

Өчигдөр орсон түр зуурын борооны улмаас Сонгинохайрхан дүүрэгт үер буужээ. Үер буусан тухай дуудлага өчигдөр 13.00 цагийн үед  иржээ. Тодруулбал өчигдөр орсон борооны үеэр тус дүүргийн 21 дүгээр хороо 361-р гарамд үер бууж, айлууд усанд автжээ. Дуудлагын дагуу онцгой байдлын хэлтсийн дарга, дэд хурандаа А.Батбаяраар ахлуулсан есөн албан хаагч хоёр автомашинтай ажиллаж хоёр айлын гэрт үeрийн ус орсон байсныг шуудуу татан гадагшлуулж, гэрийн эд хогшлыг гарган зөвлөгөө өгч шуурхай ажилласан байна.