Ерөнхийлөгч Х.Баттулга ажлаа Төрийн ордноос биш түймэртэй ойгоос эхэллээ

Монгол Улсын Ерөнхийлөгч Халтмаагийн Баттулга ой хээрийн түймэр газар авсанд онцгойлон анхаарал хандуулж өчигдөр Ерөнхий сайдтай утсаар холбогдож үүрэг чиглэл өгсөн бол өнөөдөр Төв аймгийн Батсүмбэр сумын ойн түймэртэй бүс нутагт ажиллаж байна. Өнөөдөр түүний тангараг өргөснөөс хойших анхны ажлын өдөр юм.

Улсын хэмжээнд өнөөдрийн байдлаар 22 газар түймэртэй байгаагаас нэгийг нь л цуравд оруулж чаджээ. Түймрийн ихэнх нь иргэдийн буруутай үйл ажиллагаанаас үүдэж буйг холбогдох албаныхан анхааруулж байна.