Роналду хамгийн их орлоготой хөлбөмбөгчнөөр тодорлоо

Португалын шигшээ багийн довтлогч, Испанийн “Реал” клубын тоглогч Криштиан Роналду энэ улирлын хамгийн их орлоготой хөлбөмбөгчнөөр тодорчээ. Энэ тухай “France Football” сэтгүүлд мэдээлжээ.

Өдгөө 32 настай Португалын иргэн тэрбээр нэг улиралд цалин, урамшуулал, зар сурталчилгааны хөлс хэлбэрээр нийтдээ 87,5 сая еврогийн орлого  олсон бол “Барселона” клуб, Аргентины шигшээ багийн довтлогч Лионель Месси 76,5 сая еврогоор удаалж, түүнтэй хамт нэг багт тоглодог Бразилын иргэн Неймар 55,5 сая еврогоор гуравдугаар байранд орсон байна.

Хамгийн их орлоготой дасгалжуулагчдын жагсаалтын эхэнд Английн “Манчестер Юнайтед”-ын дасгалжуулагч Жозе Моуринью 28 сая еврогийн орлоготойгоор бичигджээ. Удаад нь Хятадын шигшээ багийн ерөнхий дасгалжуулагч Марчелло Липпи /23,5 сая евро/ орсон бол Францын “Пари Сен Жермен” багийн дасгалжуулагч асан Лоран Блан /20 сая евро/гуравдугаар байрыг эзэлсэн байна.

О.Барс

Эх сурвалж: Монцамэ