ЛеБрон Жэймс өөрийгөө ”голов”

“Кливлэнд Кавальерс” багийн довтлогч ЛеБрон Жэймс, “Алтан мужийн дайчин” Стефен Карри тэр хоёрын хооронд сүртэй том өрсөлдөөн гэхээр зүйл байхгүй гэдгийг ярьсан байна.

“Стефен Карри бид хоёрын хооронд өрсөлдөөн байхгүй. “Жинхэнэ агуу өрсөлдөөн, сөргөлдөөн”-ий талаар ярья гээд “Лэрри Бёрд болон Мэжик Жонсон”, “Каролина болон Дьюк”, “Огайо Стэйт болон Мичиган” хэмээн тоочиж байснаа л гэнэт “ЛеБрон болон Стеф” гэж болохгүй биз дээ? Бид хоёрыг тэдэнтэй харьцуулах нь зүйд үл нийцнэ. Тэднийг хүндэтгээгүй явдал болно шүү дээ. Бидний хооронд тийм ч олон тулаан болоогүй. Ирээдүйд ч хэдэн удаа тулгарах юм билээ, харж л байя. Гэхдээ л бид хоёрыг тэдэнтэй нэг эгнээнд тавьж болохгүй шүү дээ” хэмээн “Хаан” Жэймс өгүүлжээ. Эх сурвалж www.wikimon.mn