Сэрэмжлүүлэг: Банш бууз, мах хулгайлж байна

Жилийн жилд Цагаан сарын баяр дөхөхөөр банш, бууз, махны хулгай гаардаг. Өнөө жил ч гэсэн ийм төрлийн хулгай цагдаагийн байгууллагад хэд хэд бүртгэгджээ.

Тухайлбал, Сонгинохайрхан дүүргийн 32 дугаар хороонд айлын гэрээс их хэмжээний мах мөн хийсэн байсан буузыг нь таньдаг хүн нь хулгайлсан байжээ. Тиймээс нийслэлийн цагдаагийн газраас нэгэн сэрэмжлүүлэг гаргаж байна.

Сар шинийн баяр дөхөж байгаатай холбогдуулан мах болон банш, буузны хулгай ихсэж байгаа талаар сэрэмжлүүлж, ард иргэдийг анхааралтай байх, гэр орноо эзгүй хаяхгүй байхыг, мөн амбаар саваа сайн цоожлож байхыг анхааруулж байна.