Криштиану Роналду орлогоороо спортын оддын жагсаалтыг тэргүүллээ

“Форбес” сэтгүүлийн саяхан нийтэлсэн спортын оддын 2016 оны орлогын жагсаалтад Португалийн хөл бөмбөгийн багийн ахлагч, Реал Мадридын довтлогч Криштиану Роналду 81.8 сая еврогоор тэргүүлсэн байна.

“Форбес”-т тэмдэглэснээр, 2016 онд Криштиан Роналдогийн жилийн цалин, урамшуулал 52.1 сая евро байснаас гадна, реклам сурталчилгаа болон ивээн тэтгэлэг зэрэг нь 29.7 сая еврод хүрчээ.

Тэрбээр пүүз, тоглоом, бугуйн цаг, шампунь зэргийг сурталчилдаг бөгөөд хувьдаа зочид буудал, музей, хувцас, гэр ахуйн бараа зэрэг олон бизнестэй. Спортын оддын орлогын жагсаалтад Барселонагийн од Лео Месси хоёрдугаар байранд орж, 2016 оны нийт орлого нь 75.6 сая евро болсон байна.

М.Баяр

gereg.mn