А.Хишигдалайтай нэг оронд орсон эрчүүдийн цуваа үргэлжилсээр

Chanel 11 сувгаар цацагдаж байгаа “Тарагтай боов” хэмээх нэвтрүүлгийг дуулаагүй хүн үгүй биз ээ, нэрнээсээ ч тэр утгаараа ч хүнд өгөхөөр онц зүйлгүй уг нэвтрүүлгийг хөгшин залуугүй сонирхож байгаа гэдгийг УИХ-н гишүүн асан М.Зоригт нотлоод өгсөн. Мэргэжлийн бус хөтлөгчтэй, мэдлэг дутуу хүмүүс хэвлэлийн салбарт гэнэт хүч түрж орж ирнэ гэдэг суурьгүй барилга барихтай адил асуудал билээ.

Ялангуяа үүнийг уг нэвтрүүлгийн хөтлөгч А.Хишигдалай огт ойлгодоггүй нэгэн бололтой. Цангинасан сайхан хоолотой хэмээн олны магтаалыг хүртдэг дуучин бүсгүй хүмүүстэй харилцах тал дээр тун бүдүүлэг, журамгүй бөгөөд нэвтрүүлэг хийхэд огт тохирохгүй гэдгийг сошиал хэрэглэгчдийн 90% нь баталжээ.

Хэвлэл мэдээлэл гэх томоохон салбарт энэ мэт үр өгөөжгүй нэвтрүүлэг байсаар байвал залуучууд болон өсвөрийнхөнд хэрхэн хэвлэлийн боловсрол өгөх вэ гэдэг асуудал энэ мэт жишээн дээрээс үндэслэн урган гарч байгаа юм. А.Хишигдалайтай хамт нэг оронд орсон гэх буюу хүнд хүртээлгүй авах юмгүй нэвтрүүлэгт нь орсон эрчүүдийн цуваа хэзээ тасарч дуусах бол?