Дэлхийн хамгийн сулхан армитай 10 оронд Монгол багтчихаж

Манай гаригийн хамгийн хүчирхэг арми, зэвсэгт хүчинтэй улс орнуудыг хэн бүхэн мэднэ. Энэ жагсаалтын эхэнд АНУ олон жил орж байгаа бол хоёрдугаарт Орос, гуравт Хятад ордог. Зарим судалгаагаар Хятад хоёрт гуравт Энэтхэг харин Орос дөрөвт ордог.

АНУ-ын Агаарын цэргийн гэрэл зургийн сэтгүүлч, өнөөдөр We are The Mighty хэвлэлийн редактор Блэйк Стилуелл дэлхийн хамгийн сулхан 10 армийг нэрлэсэн байна. Энд мэдээж төрийн санхүүжилтээс гадна, хүн хүч, дайтах чадвар сулханыг нь голложээ.

1. Коста-Рика

Төв африкийн энэ жижиг улсад өөрийн гэсэн арми байхгүй. 1949 оны арваннэгдүгээр сарын 7-нд баталсан Үндсэн хуулиараа тайван цагт мэргэжлийн армитай байхгүй гээд заачихсан байна. Гэхдээ иргэний гварди, агаарын ажиглалтын алба, хилийн алба, үндэсний цагдаа, эргийн хамгаалалт бий. Хамгааллалтын гол бамбай нь АНУ тэргүүтэй гадаад орнууд.

2. Исланд

Энэ орон мөн л гадны хүчинд найддаг, энэ нь америкийн болон НАТО-гийн цэргийн бааз. Өөрийн нь эргийн хамгаалалтын албанд 130 хүн ажиллаж эргүүлийн гурван хөлөг, нэг катер, эргүүлийн нэг F-27 нисэх онгоц, хайгуул, аврах ажиллагааны хоёр нисдэг тэрэгтэй. 450 хүнтэй цагдаагийн алба, тусгай салаа бий.

3. Ирак

Саддам Хусейны үед хүний тоогоороо дөрөвт ордог армитай байсан энэ улс өнөөдөр тэр нь түүх л болж үлдсэн. АНУ, Британиас 26 тэрбум долларын хөрөнгө оруулж, боловсон хүчнийг нь сургаж байгаа ч Иракын зэвсэгт хүчин үнэхээр тааруухан. Саяхан гэхэд л эдний армид 50 мянган “амьгүй албат” цалин аваад байж байсан нь илэрсэн. Ийм ч болохоор “Лалын улс” –ын зэвсэгт дайчид 2014 онд баруун нутгийг нь эзлээд өнөө хүртэл захирч байгаа.

4. Умард Солонгос

Пеньян цэрэг арми, ялангуяа цөмийн хүчин чадлараа дэлхийг заналхийлсээр, шинэ шинэ төрлийн зэвсэг техниктэй гэж байгаа ч байдал тун хүнд. Умардын цэргүүд өлсч, өдөрт ердөө 250 гр хүнс хэрэглэж байгаа гэсэн мэдээлэл өнгөрсөн наймдугаар сард гарсан. Дарга нар нь цэргүүдээ тэжээхийн тулд тэднийг жимс, үндэс түүлгэхээр явуулдаг гэсэн яриа ч бий. Өөр нэг зүйл нь арми нь байлдааны чадавхиа дээшлүүлэх сургууль хийхийн оронд харин ч үнэгүй ажиллах хүч болдог.

5. Эритрей

Энэ улсыг африкийн умард Солонгос гэх нь бий. Зэвсэгт хүчиндээ гадаад орнуудын хүмүүсийг татдаг. Цэрэг армийн нь гол бай нь сомалийн “Аль-Кайда”салаа, “Аш-Шаба” бүлэглэл боловч цэргүүдээр хүнд хөдөлмөр эрхлүүлэхэд голдуу ашигладаг. Сар бүр эднийхээс хоёр мянга орчим хүн хөрш Судан руу дүрвэн зугтдаг.

6. Нигери

Нигерийн дайчид өөрийнхөө улс орны болон Чад, Камеруны нутагт байгаа “Боко Харам” бүлэглэлийнхэнтэй тулалддаг. Энэ бүлэглэл дүрвэгсдийн лагер, тосгодод дайрч “Лалын улс” бүлэглэлээс ч илүү хөнөөл учруулдаг. Гэлээ ч Нигерийн арми эдэнтэй тун муу байлдаж байгаагаа хүн бүрт сум үл нэвтрэх хантааж, буу зэвсэг хүрэлцэхгүй байгаагаар тайлбарладаг. “Боко Харам”-ынхантай тулалдаж байгаад дайчид нь энгийн иргэдтэй хамт урхинд орж байсан гашуун түүх ч бий.

7. Тажикистан

Зөвлөлтийн бүрэлдхүүнд байсан улсуудаас ЗХУ-ыг тарсны дараа өөрийн зэвсэгт хүчин байгуулж чадаагүй ганц орон бол Тажикстан. Өөрийн гэсэн ямар ч хамгаалалтгүй үлдээд оросын эхнийг сахиулах хүчинд найдаж байсан. 1994 онд өөрийн арми байгуулсан ч шууд л мөргөлдөөн эхэлсэн. Эцэст нь оросуудад л найдахаас аргагүй болсон.

8. Монгол

Чингисийн удам монголчууд өнөөдөр өөрийгөө хамгаалах ямар ч чадваргүй болсон. Орос, Хятадын хооронд байх энэ улсад тэнгисийн флот байхгүй. Хөрш орнуудаасаа ихээхэн хараат энэ орон нэг цагт Москва, Бээжингийн харилцаа муудаж дайн эхэлбэл тулааны талбар нь Монгол л болно.
Харин Улаанбаатар өөрийн цэргүүдээ Ирак, Афганистанд илгээж АНУ-д тусалдаг. Гэхдээ арми  нь хуучин зөвлөлтийн  зэвсэг техникээс салаагүй байгаа.

9. Саудын  Араб

Мөнгөөр хахаж байдаг энэ орны армид дурдаад байх сайн зүйл байхгүй. Арабын бусад улс орнуудтай эвсэл болон 2015 оноос йемений дайнд оролцож байгаа ч Ираны дэмжээд байдаг хуситуудын эсэргүүцлийг дарчихаж чадахгүй л байгаа. Харин ч Хуситууд нийслэл Санаг нь сандаргасаар л…

10. Афганистан

Энэ жагсаалтын сүүлд Афганистан орж байна. Ер нь Иракийн армтай адил. Олон улсын эхнийг сахиулах хүчин, АНУ-ын санхүүжилт, зэвсэг техник гээд юм юмтай ч талибууд дайрсаар бүхэл бүтэн хотыг эзэлсээр……Гэхдээ зуун жилд хэн ч афганистаныг бүрэн захирч чадаагүй өнөө хүрч байгаа. ЗХУ-ын хувьд афганистан нь америкийн вьетнам л байсан.

http://www.dsnews.ua