Усейн Болт хөлбөмбөгчин болох уу

Дэлхийн хамгийн хурдан хүн болох Усейн Болт хөлбөмбөгчин болох тухай мэдээллүүд сенсаци тариад байгаа. Уг мэдээлэлд хөнгөн атлетикийн дэлхийн есөн удаагийн аварга маань Германы Дортмундын “Борусси” багт бэлтгэл хийж байгаа талаар мэдээлсэн юм. Инэнхи хүмүүс тус мэдээллийг шар мэдээ хэмээн төсөөлж байсан нь лавтай.

Тэгвэл Борусси Дортмунд багийн гүйцэтгэх захирал Ханс-Йоахим Ватцке энэ мэдээллийг үнэн гэдгийг баталлаа. Ханс-Йоахим Ватцке “ Энэ бол наргиан тоглоом биш, реклам сурталчилгаа ч биш. Пумагийн тэргүүн  Бьорн Гульден манай багийн удирдах зөвлөлийн гишүүн. Тэр хэдэн долоо хонгоийн өмнө Усейн Болт манай багт бэлтгэх хийх зөвшөөрөл хүссэн гэж дамжуулсан. Манай дасгалжуулагч Томас Тухель зөвшөөрсөн. Харин түүнд мэргэжлийн хөлбөмбөгч болох боломж байгаа эсэх талаар би ярих хэрэг байхгүй” гэж сэтгүүлчдэд мэдээлсэн байна.Ямаратай ч “Борусси”-ийн тоглогчидтой хам бэлтгэл хийх нь үнэн болж таарлаа.

Түүнчлэн Усейн Болт ирэх жил зодог тайлах бодолтой байгаа гэнэ. 2017 оны наймдугаары сарын 5-13-нд Лондонд болох ДАШТ түүний хамгийн сүүлчийн тэмцээн байх бололтой. Дасгалжуулагч багшаар ажиллах сонирхолгүй байгаа тул ингээд Болт хөнгөн атлетикаас салж хөлбөмбөгчин болохоор шийдсэн бололтой.

Болт “ямарч байсан Дортмундад бэлтгэл хийгээд үзнэ. Хэрэв “Мачестер Юнайтед”-ийн хүрэлдхүүнд багтан, талбай дээр гарч чадвал миний мөрөөдөл биелэх нь тэр. Тэр мөч ёстой гайхалтай хэрэг болно” гэж хэлжээ.

Болт багаасаа Манчестер Юнайтедийн үнэн ч шүтэн биширч. Өнгөрсөн жил тэр “MUTV”-д ярилцлага өгөхдөө “Би шалгуулахад бэлэн байна. Багш нар “Сайн байна. Манай багт ир” эсвэл “ЧИ тэнцэхгүй” гэж хэлэхийг сонсох хэрэгтэй шүү дээ. Би бөмбөг эзэмшихдээ сайн, талбайг бүрэн харж чаддаг. Хэрэв би “МанЮ”-ийн үзлэгт орвол тэд, Болт чи 30 настай. Чамтай таван жилийн гэрээ байгууллаа гэж хэлэх байх” гэж ярьсан аж. Тэр байтугай мэрэгжилийн лигт орвол ямар хөлбөмбөгч болохоо хүртэл Болт тооцчихсон байна.

Б.Учрал

BreakingNews.mn