Тагнуулынхан “маш нууц” баримт бичгүүдтэй танилцжээ

Өнгөрөгч долоо хоногт тагнуул болон эрүүгийн цагдаагийн газрын мөрдөн шалгах ажлын хэсгийнхэн Төрийн ордонд очиж зарим бичиг баримтуудтай танилцсан хэмээн эх сурвалж мэдээллэж байна.

Энэхүү шалгалтыг төмөр замын хэрэгтэй холбогдуулан хийсэн гэх ба АН-ын эрх барьж байх үеийн “маш нууц” гэх баримт бичгүүдтэй танилцжээ. Төмөр замын хэрэгт холбогдсон гэх хүмүүсийн мөрдөн байцаалтын ажиллагаа дуусах шатандаа орсон гэх ба зарим шаардлагатай бичиг баримтыг  хэрэгт хавсаргах үүднээс дээрх шалгалтыг хийсэн байна. Жил дамнан шалгасан энэхүү хэрэгт, хил давж зугтсан хүмүүсийн хэргийг тусгаарлаж,  монголд байгаа хэд хэдэн хүнийг яллагдагчаар татахаар болсон гэх мэдээлэл байна.