Амралтанд амарч байсан Айр маркетийн 41 ажилтан хоолонд хорджээ

“Айр маркет”-ийн 41 ажилтан амралтын газарт амарч яваад хоолны хордлогот халдвараар өвчилсөн талаар Эрүүл мэндийн яамны Шуурхай удирдлагын төвөөс мэдээллээ. Тус компанийн ажилчид Төв аймгийн Жаргалант сумын “Дэлгэр тур” амралтын газар энэ сарын 05-07-ны өдрүүдэд амарч байсан байна.  Тус амралтын газарт хоол идсэн 80 хүний 50 хүнээс асуумж судалгаа авахад 41 хүнд эмнэлзүйн шинж тэмдэг илэрчээ. Одоогоор лабораторийн шинжилгээнд 59 сорьц авч шинжилж байгаа аж. Мөн ХӨСҮТ-өөс тархвар судалгаа, лабораторийн шинжилгээ хийгдэж байгаа юм байна.

Эх сурвалж:24tsag.mn