Огноо: 2016/8/8 9:19:08

Д.Дагвадорж: Та нарын шүлс нэг өдрийнх, тамирчдын хөлс 1000 өдрийнх

Монгол Улс “Рио-2016” олимпод 43 тамирчнаа сойж буйгаас жүдо, байт харваа, буудлагын төрлийн тамирчдын тэмцээн ид үргэлжилж байгаа билээ. Манай тамирчдаас жүдо бөхийн төрөлд залуучуудын ДАШТ-ий хошой мөнгөн медальтЦ.Цогтбаатар, дэлхийн аварга М.Уранцэцэг нар тэмцээнээ дуусгаж, хараахан медаль хүртэж чадаагүй.

Үүний сацуу спорт сонирхогчид өөр өөрсдийн үзэл бодлоо илэрхийлж, зарим нь шүүмжилж байгаа билээ.

Харин тамирчдаа шүүмжилж, урмыг нь хугалж байгаа хүмүүст хандан Д.Дагвадорж аварга твиттер хаягаараа дамжуулж “Та нарын шүлс нэг өдрийнх, тэдний хөлс 1000 өдрийнх. Олон юм битгий хуцаж бай” хэмээн хэлжээ.