“ИСЛАМЫН УЛС”-ЫН ТОЛГОЙЛОГЧ АЛЬ-БАГДАДИ ЭВСЛИЙН АГААРЫН ЦОХИЛТОД ӨРТӨН ШАРХАДЖЭЭ

Ирак-Сирийн хил дээр олон улсын эвслийн агаарын цохилтын үр дүнд “Исламын улс” террорист, олон улсын алан хядах байгууллагын толгойлогч Абу Бакир аль-Багдади шархадсан байна. Энэ тухай Арабын хэвлэл мэдээллээс иш татан РИА Новости мэдээллээ.

Reuters-ийн мэдээлснээр, бүс нутагт АНУ-ын удирдсан олон улсын эвсэл одоогоор энэ мэдээллийг батлаагүй байна.

Гэсэн хэдий ч, Арабын хэвлэл мэдээллийн хэрэгсэл “Исламын улс”-ын Аль-Багдади болон бусад хэд хэдэн удирдагч нь шархадсан гэж тэмдэглэжээ.

М.Баяр