Чөлөөтийн охид таван медальтай

Италийн Сассари хотод Маттео Пелликонегийн нэрэмжит чөлөөт бөхийн олон улсын тэмцээн боллоо. Чөлөөт бөхийн эмэгтэйчүүдийн төрөлд манай тамирчид хүч үзэж, гурван алт, хоёр хүрэл медаль хүртжээ.

58 кг-д П.Орхон нэгдүгээр тойрогт Италийн Ф.Инделикатог 10:0, хоёрдугаар тойрогт Гавьяат тамирчин С.Цэрэнчимэдийг 12:0-ээр буулган авсан юм. Улмаар хагас шигшээд Э.Гантуяаг цэвэр ялж, аваргын төлөө ОХУ-ын бөхийг буулган авчээ.

Тус жинд Э.Гантуяа хүрэл медаль хүртсэн бөгөөд тэрбээр хоёрдугаар тойрогт Канадын  М.Фаззарийг 10:0-ээр П.Орхонд дийлдсэн юм. Харин хүрэл медалийн төлөө  С.Цэрэнчимэдийг цэвэр хожсон юм.

Тэгвэл 60 кг-д Б.Шоовдор эхний тойрогт казахстаны бөх Е.Дунбае, хоёрдугаар тойрогт италийн бөх Э.Шафер нарыг дараалан цэвэр дарж их шөвөгт Канадын бөх Линда Мариусыг 11:7-гоор ялав. Ийнхүү аваргын төлөө Италийн бөх Бланка Лопезийг буулган авчээ.

63 кг-д Гавьяат тамирчин С.Батцэцэг тойрогт ОХУ-ын А.Фоменког 7:0-ээр хожсон ч хагас шигшээд А.Братчиковад 2:4-өөр ялагдсан юм. Гэхдээ манай аварга хүрэл медалийн төлөө барилдаанд ялсан байна.

69 кг-д О.Насанбурмаа эхний тойрогт ОХУ-ын А.Бабкинаг оноогоор, хоёрдугаар тойрогт италийн бөх Д.Каневаг 4:1, хагас шигшээд бөх К.Дудаеваг 12:2-оор аваргын төлөө Францын Л.Коумдаг 10:0-ээр цэвэр ялсан юм.

Эх сурвалж: МЧБХ, Д.Өлгийсайхан