8 метр урт аварга могой баригджээ

Малайзийн Пенанг арал дээр 250 кг жинтэй эм аварга могойг барьсан аж. Энэ хэвлээр явагч амьтныг барихын тулд аврах ангийг дуудахад хүрсэн байна. Тэд тусгай зангыг хийснээр эрээн аварга могойн томоохон төлөөлөгч урхинд нь оржээ.

Энэ эм могойны уртыг хэмжтэл найман метр байсан бөгөөд энэ нь Гиннесийн амжилтын номонд бичигдсэн хамгийн урт аварга эрээн могойноос урт гэсэн үг юм.

Анчид албан ёсоор хэмжилт хийсний дараагаар тэдний барьж авсан аварга могой дэлхийн хамгийн урт хэвлээр явагч амьтан хэмээн дээд амжилтыг бүртгэдэг номд багтана гэж үзэв.

Өмнө нь аварга эрээн могойн нэг төлөөлөгч АНУ-ын Миссури мужид илэрсэн бөгөөд түүний уртыг хэмжиж үзтэл 7.6 метр байсан аж. Тэр могойг 2011 онд барьсан билээ. Тэгвэл таван жилийн дараа ийнхүү дэлхийн шинэ дээд амжилтыг горилогч аварга могой гарч ирлээ.

Эх сурвалж www.wikimon.mn