Танхайн таван хэрэг бүртгэгджээ

Өнгөрсөн шөнө цагдаагийн байгууллагад танхайрч, бусдын биед гэмтэл учруулсан гэх таван хэрэг бүртгэгджээ. Тодруулбал, БГД-6. ”65-р байрны гаражид зодоон болоод байна” гэсэн мэдээллийг авч шалгахад, дус дүүргийн 8 дугаар хороонд оршин суух Б /эр.43н/-г хамт архи уусан О /эр.36н/ гэгч нь маргалдаж зодож танхайрсныг таслан зогсоожээ.

Мөн БЗД-22 хороонд “Манай найз зодолдоод, хүмүүс нүдийг нь сэрээгээр хатгачихсан байна” гэсэн мэдээлэл иржээ. Тус дүүрэгт суух О /эр.35н/-ын зүүн нүдэнд хамт архи уусан 29 настай Ш гэгч сэрээгээр хатгаж танхайрчээ.

Түүнчлэн СБД-15 хороо “Дамбадаржаагийн … тоотод согтуу хүмүүс зодолдоод байна” гэсэн мэдээллийг авч, шалгахад, тус тоотод суух Ж /эр47н/-ын толгойд хамт архи уусан ЧД-16. хороонд суух П /эр.30н/ гэгч үл ялих зүйлээр шалтаглан модоор 2 удаа цохиж танхайрч байсныг таслан зогсоожээ. ЧД-3 “15-р байрны гадаа зодоон болоод байна” гэсэн мэдээллийг авч шалгахад, Ц /эр.43н/-г БГД-3 хороонд суух Ч /эр.42н/ гэгч согтуурсан үедээ зодож танхайрчээ.

Мөн тус дүүргийн 18 хороо ”Яргайтын … тоотод намайг хутгалчихлаа” гэсэн мэдээллийг шалгахад, Тус тоотод суух иргэн Б /эр.39н/-ын хэвлийд М /эр.50н/ гэгч нь согтуурсан үедээ удаа хутгалж танхайрсан хэргийг тус тус шалгаж байна.