Боксчдын дөрөв дэх ялалт

Азербайжаны нийслэл Баку хотноо үргэлжилж буй боксын насанд хүрэгчдийн дэлхийн аварга шалгаруулах тэмцээний 69 кг-д дэлхийн оюутны аварга Б.Түвшинбат Армяны Матевосянтай тоглож, эхний үед 7:3, дараагийн раундад 6:3, төгсгөлд нь 8:5, нийт 21:11-ээр ялжээ.

Түүний дараагийн учраа Миланы ДАШТ-ий мөнгөн медальт, Оросын Андрей Замковой. Хоёр боксчин маань аравдугаар сарын 2-нд тоглоно.

Ийнхүү Монголын шигшээ багаас Н.Төгсцогт, Д.Отгондалай, С.Эрдэнэбаяр, Б.Түвшинбат нар ялалтын буухиаг амжилттай үргэлжлүүлээд байна.

Өнөөдөр манай ширэн бээлийтнүүдээс 64 кг-д дэлхийн аваргын хүрэл медальт, Азийн аварга, Гавьяат тамирчин У.Мөнх-Эрдэнэ Камеруны Смайла Бабоутай тоглоно.

Б.Ирээдүй