“Мөнгөлөг шагшуурга-2016” мөсний баяр боллоо

Ховд аймгийн Хар-Ус нуурын мөсөн дээр “Мөнгөлөг шагшуурга-2016” уламжлалт мөсний баяр боллоо. Энэ удаагийн баярт аймгийн 17 сум, төрийн болон төрийн бус байгууллагын төлөөлөл оролцлоо. Энэ үеэр тэшүүрийн Аймгийн аварга шалгаруулах тэмцээн, Мөсний шагай, мөсний олсны тэмцээн зохион байгуулж сумдыг Чандмань сум тэргүүлсэн бол байгууллагуудыг “Ховд их сургууль” тэргүүллээ.

“Мөнгөлөг шагшуурга-2016” мөсний баяр нь орон нутагт аялал жуулчлалыг хөгжүүлэх, мөсний тоглоом наадгайг сурталчлах, зан заншлаа сэргээх зорилготой юм. Энэ хүрээнд оролцогч сумын урчууд мөсөн бүтээгдэхүүн, хотхон урлаж, мөсөн дээрх сайхан тэмээтэй хос болон сайхан хувцастай оролцогчдыг шалгаруулсан нь ихээхэн анхаарал татаж байлаа.