Жүдо бөхийн Үндэсний шигшээ баг Дюссельдорфын Гран При-д зодоглоно

2016 оны Рио де Жанейрогийн олимпийн 31 дүгээр наадмын эрхийн оноо олгох жүдо бөхийн Гран При тэмцээн энэ сарын 19-21-нд болох гэж байна. Тус тэмцээнд оролцох Монгол Улсын шигшээ багийн сүүлийн хэсэг өнөөдөр эх орноосоо мордсон бөгөөд Парист хамтарсан бэлтгэл хийсэн баг тамирчидтайгаа Дюссельдорфод нэгдэн тэмцээндээ оролцох юм. Германд нийт 90 орны эрэгтэй 378, эмэгтэй 234, нийт 612 бөх өрсөлдөхөөр мэдүүлгээ өгөөд байгаа бөгөөд манай улсаас 22 бөх оролцохоор болоод байна. Тэднийг шигшээ багийн ахлах дасгалжуулагч Одвоогийн Балжинням болон гавьяат тамирчин Дашгомбын Баттулга, гавьяат дасгалжуулагч Шархүүгийн Цэвэлмаа нар удирдах юм байна.

Дюссельдорффын Гран При-д зодоглох Монгол Улсын шигшээ баг:
Эрэгтэй
60 кг:ОУХМ Ганболдын Хэрлэн /Сэлэнгэ аймаг, “Женко” клубын тамирчин/

ОУХМ Цэнд-Очирын Цогтбаатар /Баянхонгор аймгийн Хүрээмарал сум, ОБЕГ-ын “Аврагч” спорт хорооны тамирчин/

66 кг: ОУХМ Даваадоржийн Төмөрхүлэг /Өвөрхангай аймгийн Нарийнтээл сум, “Хилчин” спорт хороо, “Женко” клуб/

ОУХМ Адьяагийн Батсуурь /Увс аймгийн Тэс сум, Зэвсэгт хүчний “Алдар” спорт хорооны тамирчин/

73 кг:Монгол Улсын гавьяат тамирчин Сайнжаргалын Ням-Очир /Увс аймгийн Тэс сум, Уулын баяжуулах Эрдэнэт үйлдвэрийн “Хангарьд” спорт хорооны тамирчин, олимп, дэлхийн АШТ-ий хүрэл медальт, багийн ДАШТ-ий хүрэл медальт/,

ОУХМ Наранхүүгийн Хадбаатар /”Женко” клубын тамирчин/

81 кг:ОУХМ Нямсүрэнгийн Дагвасүрэн /Завхан аймгийн Алдархаан сум, Уулын баяжуулах Эрдэнэт үйлдвэрийн “Хангарьд” спорт хорооны тамирчин, 2015 оны багийн ДАШТ-ий хүрэл медальт/

ОУХМ Отгонбаатарын Ууганбаатар /Говь-Алтай аймгийн Жаргалан сум, Уулын баяжуулах Эрдэнэт үйлдвэрийн “Хангарьд” спорт хорооны тамирчин, 2015 оны багийн ДАШТ-ий хүрэл медальт/

90 кг:ОУХМ Лхагвасүрэнгийн Отгонбаатар /Архангай аймаг Батцэнгэл сум, ОБЕГ-ын “Аврагч” спорт хорооны тамирчин, 2015 оны багийн ДАШТ-ий хүрэл медальт/

ОУХМ Гантулгын Алтанбагана /”Женко” клубын тамирчин/

-100 кг:Монгол Улсын хөдөлмөрийн баатар, гавьяат тамирчин Найдангийн Түвшинбаяр /Булган аймгийн Сайхан сум, “Женко” клубын тамирчин, Олимпийн наадмын алт, мөнгөн медальт, 2015 оны багийн ДАШТ-ий хүрэл медальт/

ОУХМ Хутагийн Цогтгэрэл /Булган аймаг, Зэвсэгт хүчний “Алдар” спорт хорооны тамирчин/

+100 кг:ОУХМ Баттулгын Тэмүүлэн /Увс аймгийн Малчин сум, “Женко” клубын тамирчин, 2015 оны багийн ДАШТ-ий хүрэл медальт/

Эмэгтэй
48:Монгол Улсын гавьяат тамирчин Мөнхбатын Уранцэцэг /Баянхонгор аймгийн Баян-Овоо сум, “Хүч” спорт хороо, “Женко” клубын тамирчин, 2013 оны дэлхийн аварга, багийн ДАШТ-ий мөнгөн медальт/

52 кг:Монгол Улсын гавьяат тамирчин Мөнхбаатарын Бундмаа /Өвөрхангай аймгийн Хархорин сум, “Хүч” спорт хорооны тамирчин, ДАШТ-ий хүрэл, багийн ДАШТ-ий мөнгө, хүрэл медальт/

ОУХМ Адьяасамбуугийн Цолмон /Өвөрхангай аймгийн Богд сум, Зэвсэгт хүчний “Алдар” спорт хороо, “Женко” клубын тамирчин/

57 кг:Монгол Улсын гавьяат тамирчин Доржсүрэнгийн Сумьяа /Увс аймгийн Баруунтуруун сум, Хил хамгаалах ерөнхий газрын “Хилчин” спорт хорооны тамирчин, ДАШТ-ий хүрэл, багийн ДАШТ-ий мөнгөн медальт/

63 кг:Монгол Улсын гавьяат тамирчин Цэдэвсүрэнгийн Мөнхзаяа /Өвөрхангай аймгийн Богд сум, “Хүч” спорт хороо, “Ажнай” дэвжээний бөх, ДАШТ-ий хүрэл медальт/

ОУХМ Балдоржийн Мөнгөнчимэг /”Женко” клубын тамирчин, багийн ДАШТ-ий мөнгөн медальт/

70 кг:ОУХМ Цэнд-Аюушийн Наранжаргал /”Женко” клубын тамирчин, багийн ДАШТ-ий мөнгөн медальт/

-78 кг:ОУХМ Пүрэвжаргалын Лхамдэгд /Архангай аймаг, “Женко” клубын тамирчин/

+78 кг:ОУХМ Одхүүгийн Жавжмаа /”Женко” клубын тамирчин/