Дүнжингарав худалдааны төв түрээсийн үнээ нэмсэнийг шалгаж байна

Улаанбаатар хотод үйл ажиллагаа явуулж буй зах, худалдааны төв, захын түрээсийн үйл ажиллагаа явуулж буй Дүнжингарав худалдааны төв, Нарантуул олон улсын худалдааны төв, Барс худалдааны төвийн үйл ажиллагаа нь Өрсөлдөөний тухай хууль болон Хэрэглэгчийн эрхийг хамгаалах тухай хууль, Зар сурталчилгааны тухай хууль болон холбогдох хууль тогтоомж, стандарт, заавар журмын хэрэгжилтийг хангаж байгаа эсэхийг шалгаж байна.

Дүнжингарав худалдааны төв дээр лангуу түрээслэдэг иргэд нь тус төвийг анх ашиг орлого орж ирдэггүй байх үеээс нь өнөөдрийг хүртэл түрээсэлж ирсэн байтал ямар нэгэн үндэслэл, тайлбаргүйгээр түрээсийн үнээ нэмсэн үйлдэл нь хуульд нийцэж байгаа эсэх дээр хяналт, шалгалт оруулж өгнө үү гэсэн гомдлыг манай газарт өгсөн байгаа.

Дээрх хяналт шалгалтын хүрээнд Дүнжингарав худалдааны төвөөс үйл ажиллагааны зардал, тайлан болон холбогдох бичиг баримтуудыг хүлээн авч шалгаж байгаа бөгөөд шалгалтын дүн гарсан үед хэвлэл мэдээллийн хэрэгсэлээр дамжуулан олон нийтэд мэдээлэх болно.

Жич: Эдийн засгийн ил тод байдлыг дэмжих тухай хууль нь 2016 оны 2 дугаар сарын 20-ны өдрийн 24.00 цаг хүртэл сунгасантай холбогдуулан аж ахуйн нэгжүүд тайлан татвараа гаргаж өгч байгаатай давхцаж байгаа нь хяналт шалгалтын ажилд тодорхой хугацаа шаардлагатай байгааг дурдах нь зүйтэй болов уу.