Дирк Новицки Порзингисыг магтав

Сагсан бөмбөгийн “Даллас” багийн довтлогч Дирк Новицки “Нью-Йорк Никс” багтай хийсэн тоглолтын дараа эсрэг багийнхаа довтлогч Кристапс Порзингисыг ихэд магтжээ. Новицки уг тоглолтод 25 оноо авч, самбараас зургаан удаа бөмбөг шүүрсэн бол Латвийн 20 настай залуу тоглогч 28 оноо авч, самбараас хоёр удаа бөмбөг зулгаасан юм.“Түүнийг надтай харьцуулж буй нь их таалагдаж байна. Энэ залуу асар хурдтай хөгжиж байгаа. Би 20 настайдаа энд ирээд жинхэнэ бүлтэгнэж байсан юм шүү. Тэгвэл мань хүн тоглолт болгонд дабл-дабл хийж байна. Тэр надаас илүү байгаа юм. Тэгэхээр түүнийг надтай харьцуулах нь Кристапсыг жаахан доош хийсэн хэрэг болжээ. Түүнд шаардлагатай бүх зүйл цогцлоод байгаа” хэмээн Германы тамирчин ярив.