Барак Обама Зул сарын төв гацуурын гэрлийг асаалаа

АНУ-ын Зул сарын төв гацуурын гэрлийг асаах нээлтийн ёслол 83 дахь удаагаа Рокфеллер төвд боллоо. АНУ-ын ерөнхийлөгч Барак Обама төв гацуурын гэрлийг асаасан байна.

Гацуурын гэрлийг асаах ёслолыг үзэхээр олон хүн цугласан бөгөөд ойролцоох гудамжуудын хөдөлгөөнийг хаасан байна. Гацуурын гэрлийг асаах ёслолд Рииз Уизерспүүн, Стинг, Жэй Бляж зэргийн алдартнууд ирж, үзэгчдийг хөгжөөсөн юм.

Обама, “Төв гацуурын гэрэл асаах ёслол бол энэ оны хамгийн гайхалтай мөч байдаг. Гэхдээ би хайртай хүмүүсээсээ хагацаж, зүрхэндээ хүнд ачааг тээж буй Америкийн ард түмэн, тэр дундаа Сан Бернардинод болсон халдлагад өртөж хохирсон хүмүүсийн ар гэрийнхнийг хайхрахгүй өнгөрч болохгүй гэж санаж байна” гэжээ.

Энэ гацуур 24 метрийн өндөртэй, 10 тонн жинтэй бөгөөд энэхүү гацуурыг 7,5 ваттын 30 мянган чийдэн, найман км-ын урт утсыг ашиглан чимэглэсэн байна. Гацуурын оройг гурван метрийн голчтой Сваровски компанийн болор одоор чимсэн байлаа.

Э.Лхагва

Time.mn