Автомашин ачих, түр саатуулах шинэ журам хэрэгжинэ

Автомашин ачих, түр саатуулах журам тун удахгүй дахин хэрэгжих юм. Албан ёсоор хэрэгжиж эхэлтэл нэгдүгээр эгнээд машинаа тавибал 9200 төгрөгөөр торгож байна.

Автомашин ачих, түр саатуулах шинэ журмыг Хууль зүйн яамнаас өнгөрсөн сард баталсан. Харин торгуулийн үнийг тогтоох, ачилтын 14 компанитай шинээр  гэрээ хийх ажлыг НЗДТГ хариуцан ажиллаж байна.

Замын хөдөлгөөний удирдлагын төвд зөвхөн 11 дүгээр сарын 16-ны байдлаар нэгдүгээр эгнээний 1505 зөрчил бүртгэгджээ. Үүний дийлэнх нь түр зогсохыг хориглосон газар машинаа байрлуулсан байна. ЗЦГ-аас зургийн аппаратаар баримтжуулсан зөрчлөө Замын хөдөлгөөний удирдлагын төвд ирүүлснээр эдгээр зөрчил гаргасан хүмүүст гэрт нь торгуулийн хуудас очиж байгаа юм.

Мөн хяналтын камераас гадна  явуулын камертайгаар зөрчлүүдийг баримтжуулж байна. Ингэснээр хяналтын камергүй, зөрчил хамгийн ихээр гардаг хотын захын замд явуулын камер ажиллаж замын хөдөлгөөний зөрчлийг хянах боломж бүрджээ.