Мартагдсан Октябрийн баяр

Октябрийн баяр өнөөдөр тохиож байна. 1917 оны энэ өдөр ЗХУ-д ажилчин тариачны хувьсгал гарч засгийн эрхийг В.И.Ленин тэргүүтэй большевикууд авч байсан талаар түүхэнд тэмдэглэгдсэн үлдсэн байдаг. 1918 оноос эхлэн энэ өдрийг ЗХУ албан ёсны баяр болгон тэмдэглэдэг байсан ч ЗХУ задарснаар өдгөө Беларусь, Киргиз улсууд л тэмдэглэж байгаа аж. Түүнчлэн ОХУ өдгөө албан ёсны баяр болгон тэмдэглэхээ больжээ.

Монголчууд ч мөн энэ өдрийг орон даяар нийтийн амралтын өдөр болгон тэмдэглэдэг байсан ч өнөөдөр мартагдсан баяруудын нэг болжээ. Бид хамгийн сүүлд Октябрийн баярыг 1989 онд орон даяар тэмдэглэж байсан юм.

Энэхүү түүхт өдөртэй холбогдуулан 1975 онд Улаан талбайд болсон Октябрийн баярын цэргийн парадын бичлэгийг хүргэж байна.