Б.Мөнгөнзул дэлхийн аваргыг тэргүүлж байна

Өсвөрийн шатарчдын дэлхийн аварга шалгаруулах тэмцээн Грекийн Порто Каррас хотноо үргэлжилж буй. Тус тэмцээнд манай улсаас 26 шатарчин нас насны ангилалд өрсөлдөж байгаагаас долоон тавилын дараах байдлаар охидын 10 хүртэлх насанд Б.Мөнгөнзул 6,5 оноотой тэргүүлж эхэлсэн бол дэлхийн аварга Д.Мөнхзул 6,0 оноогоор гуравдугаар байрт бичигдэж эхэллээ.

Мөн хөвгүүдийн найман насанд Б.Энхсаран 5,5 оноогоор гуравт, 10 хүртэлх насанд Е.Төгстөмөр 9, Г.Амартүвшин 11, С.Чингүүн 18, охидын 18 насанд Ү.Үүрийнтуяа 5.0 оноогоор тавдугаар байрт жагсаж эхэллээ. Өнөөдөр наймдугаар тавил болно.