Нөгөөдрөөс ихэнх нутгаар хүйтэрнэ

Ойрын өдрүүдэд баруун зүгийн нутгийн хойд, төвийн болон зүүн зүгийн нутгийн зарим газраар цас орно. Өнөөдөр баруун зүгийн нутгаар секундэд 18-20 метр хүрч, түр зуур салхилна.

Маргааш ихэнх нутгаар, 4-нд говь талын нутгаар салхи секундэд 14-16 метр хүрч шороон болон цасан шуурга шуурна. Алтай, Хангай, Хөвсгөл, Хэнтийн уулархаг нутгаар шөнөдөө 8-13 градус хүйтэн, өдөртөө 0-5 градус дулаан, говийн бүс нутгийн өмнөд хэсгээр шөнөдөө 0-5 градус хүйтэн, өдөртөө 9-14 градус дулаан, бусад нутгаар шөнөдөө 4-9 градус хүйтэн, өдөртөө 6-11 градус дулаан байна.

Маргааш нутгийн баруун хагаст, нөгөөдрөөс ихэнх нутгаар хүйтэрнэ гэж Ус цаг уурын орчны хүрээлэнгээс мэдээллээ.