Нүүдэлчний удам
Хөх тэнгэр шүтлэгтэн нүүдэлчний
Хүрэн цусанд нь омогшил буцлан
Хөрст дэлхийг арчиж өнгөрсөн
Хөө хуягт баатруудын түүх омголон оршин
Суу бэлэгт мэргэдийн минь
Сургаал үгс алтаар бичээстэй залран
Сүр хүчит хар туг нь доор
Сүнсээ өргөсөн баатрууд амгалан нойрсон
Өндөр хөх өвгөдийн минь
Өнгө улаан цус зүрхэнд лугшина
Өрлөг их баатруудын алтан амьтай
Өрнөж үлдсэн түүх төгөлдөр дуурсагдан
Аргал үнэртсэн нүүдэлчин хөвүүний
Аргамаг хүлэг омголон цавчилна
Халдаар ирсэн харь дайсантай
Хатгалдах цус нь бүлээн огшин
Хүннү үеэс түүхтэй
Хүчирхэг Монголын удам үл тасраг
Халдуун уулын бэлд мандуулсан
Хаан хөвүүний төр мөнхөд оршин бадраг !
Dawson Wisdom 2015.05.25
URL:
