Хөрсний бохирдол ихэсчээ

Улсын хэмжээнд хөрсний бохирдол ихэссэнийг албаныхан анхаарууллаа. Тухайлбал, Нийслэлийн Хан-Уул дүүргийн үслэг эдлэлийн үйлдвэр, Харгиа цэвэрлэх байгууламжийн орчимд хром, мөн 100 айл, 7 буудал орчмын хөрснөөс хар тугалганы агууламж өндөр гарчээ. Хөрсөнд хүнд металлын агууламж өндрөөс гадна нянгийн бохирдол жил ирэх бүр ихэсч байгаа нь ахуйн бие засах газартай холбоотой гэж албаныхан тайлбарлалаа. Мөн хөрсний цайрын агууламж стандарт хэмжээнээсээ хэтэрсэн газар ч олон байна.

Тухайлбал, Өмнөговь аймгийн Худалдааны төв, Ховд аймгийн  дулааны  станц,  Увс аймгийн дулааны станц зэрэг газруудад хөрсөнд агуулагдаж байгаа цайрын хэмжээ ихэссэн гэж Байгаль орчин, ногоон хөгжил, аялал жуулчлалын яамны Хүрээлэн буй орчин, байгалийн нөөцийн удирдлагын газрын дарга Г.Нямдаваа хэллээ. Тиймээс хөрсний бохирдлыг бууруулахад анхаарлаа хандуулах хэрэгтэй байгааг тэрбээр онцолсон юм.