Автобусны жолооч зорчигчоо хаалгандаа хавчиж гэмтээжээ

Улаанбаатар хотын Замын цагдаагийн газар өчигдөр нийт 394 дуудлага мэдээ мэдээлэл хүлээн авснаас зам тээврийн ослын  291 дуудлага бүртгэгдсэн байна. Үүнээс хөдөлгөөний аюулгүй байдлын эсрэг гэмт хэрэг 12 бүртгэгдэж, 15 хүн хүнд хөнгөн гэмтжээ.

Согтууруулах ундааны зүйл хэрэглэсэн үедээ замын хөдөлгөөнд оролцсон жолооч хоёр, хүүхэд зам тээврийн осолд өртсөн хоёр тохиолдол бүртгэгджээ. Харин согтуугаар тээврийн хэрэгсэл жолоодсон 35 жолоочийг журамлан гарч болзошгүй осол хэргээс урьдчилан сэргийлсэн байна.

Тухайлбал, Хан-Уул дүүргийн нутаг Био комбинатын зам, 120 дугаар цэргийн ангийн урд замд Верна маркийн авто машины жолооч С нь улсын дугааргүй мотоцикльтой мөргөлдөж  зорчигч дөрвөн настай эрэгтэй Ж нарын хоёр хүн гэмтжээ.

Мөн Баянгол дүүргийн  нутаг Энхтайваны өргөн чөлөө, гуравдугаар эмнэлгийн урд замд  Сутай буянт ХХК-ны Daewoo маркийн автобусны жолооч Э нь зорчигч 61 настай эмэгтэй П-г хаалганд хавчиж гэмтээсэн зэрэг хэргүүд бүртгэгджээ.

Ж.Өөдлөн

Эх сурвалж: www.mminfo.mn