Сүмогийн ДАШТ-д манай тамирчид нийт 14 медаль хүртжээ

Японы Осака хотод болсон сүмогийн ДАШТ-д манай улсаас насанд хүрэгчдийн төрөлд 10, залуучуудын ангилалд 11 бөх барилдсанаас нэг алт, хоёр мөнгө, 11 хүрэл медаль хүртжээ. Мөн насанд хүрэгчдийн төрөлд багаараа эрэгтэйчүүд мөнгө, эмэгтэйчүүд хүрэл медаль авсан байна.

Тус тэмцээнд дэлхийн 35 орны 150 гаруй тамирчин оролцсоны дотроос ОХУ, Украинчууд медалийн тоогоор тэргүүлжээ. Тэмцээний үеэр ёкозүна Хакүхо М.Даваажаргал, Ичиножёо А.Ичинноров нар ирж баг тамирчдаа дэмжсэн байна.

Ирэх жилийн сүмогийн ДАШТ манай улсад болох бөгөөд тэмцээн 2016 оны долоодугаар сарын 30-31-ний өдрүүдэд болох тов гарчээ.