Таеквондогийн ДАШТ-ээс С.Будхүү алтан медаль хүртлээ

Болгарт зохиогдсон Олон Улсын Таеквондогийн Дэлхийн аварга шалгаруулах 19 дэх удаагийн тэмцээнд Завхан аймгийн цагдаагийн газрын нийтийн хэв журам хамгаалах тасгийн цагдаа, цагдаагийн ахлагч С.Будхүү хатуу биет хугалах төрөлд алтан медаль хүртсэн байна.

Тэрбээр, 2011, 2013 оны Дэлхийн аварга шалгаруулах тэмцээнээс мөнгөн медаль, 2014 оны Азийн аварга шалгаруулах тэмцээнээс мөнгөн медаль, Улсын аварга шалгаруулах тэмцээнээс нийтдээ есөн удаа аваргын алтан медаль хүртэж байжээ.