Бөөр, давсагны хорт хавдартай 30 хүнд хагалгаа хийнэ

АНУ-ын сайн дурын эмч нар Улсын нэгдүгээр төв эмнэлэгт долоо хоногийн турш ажиллахаар иржээ. Тэд бөөр, давсагны хорт хавдартай, Монголд хагалгаа хийлгэх боломжгүй байсан 30 өвчтөнд мэс засал хийхээр төлөвлөсөн байна. Өнөөдрийн байдлаар 12 хагалгааг амжилттай хийгээд байгаа аж.

Монголчуудын түгээмэл өвчлөлийн гуравдугаарт, хэвтэн эмчлүүлэгчдийн тэргүүлэх шалтгаан нь бөөрний эмгэг байдаг. Улсын хэмжээнд хийгддэг бөөрний мэс заслыг 100 хувь нэгдүгээр эмнэлэг дагнан гүйцэтгэдэг гэж болно. Зөвхөн өнгөрсөн онд гэхэд энэ төрлийн 1900 орчим хагалгаа хийжээ.

Түүнчлэн өнгөрсөн жил нэгдүгээр эмнэлэг 80 хүнд бөөрний хавдрын, 70 хүнд давсагны хавдрын хагалгаа хийсэн байна.