Бан Ги Мүн хоёр Солонгосыг сайшаав

Солонгосын хойгийн хурцадмал байдлыг намжаахаар хоёр талаас нөлөө бүхий албаны хүмүүс уулзаж удаан зөвлөлдсөний үр дүнд Умард Солонгос байлдааны бэлэн байдал зарласнаа зогсоож, Өмнөд Солонгос Пхеньяныг шүүмжилсэн суртал нэвтрүүлэг явуулахаа болихоор тохиролцжээ.

Энэхүү үйл явдлыг НҮБ-ын Ерөнхий нарийн бичгийн дарга Бан Ги Мүн сайшаалаа. Тэрбээр “Үүссэн асуудлыг тухай бүрт нь шийдвэрлэхийн тулд яриа хэлцээ хийж байхаар хоёр Солонгос тохиролцоонд хүрсэнд би баяртай байна” хэмээжээ. Түүнчлэн Солонгосын хойгийн энх тайван болон тогтвортой байдлын төлөөх хэлэлцээрийг бүрэн хэрэгжүүлэхийн чухлыг тэрбээр онцлон тэмдэглэжээ.

Мөн Өмнөд болон Умард Солонгос тохиролцоонд хүрснийг АНУ-ын Төрийн департаментын албан ёсны төлөөлөгч Жон Кирби хэлэхдээ, “Солонгос хоорондын харилцааг сайжруулахын төлөө уйгагүй хүчин чармайлт гаргаж буй Өмнөд Солонгосын Ерөнхийлөгч Пак Гын Хэг АНУ-ын Засгийн газар хэзээд дэмжинэ” гээд, “АНУ Өмнөд Солонгостой цаашид илүү нягт хамтран ажиллана” хэмээв.

П.Энх