О.Дөлгөөн драмын театрын өндөр босгыг давжээ

УДЭТ жүжигчдийн сонгон шалгаруулалт зарлаж, “Театр студи”-ийн сурагчдыг элсүүлэн сонгож авдаг уламжлалтай билээ. Тэгвэл энэ жилийн сонгон шалгаруулалтаар дөрвөн эрэгтэй, хоёр эмэгтэй жүжигчнийг сонгон авсан байна. Тэдний нэг нь “Мөрөөдлийн театр”-ын жүжигчин О.Дөлгөөн гэнэ.

Мөн 2013 онд СУИС-ийг төгссөн Б.Хишигжаргал, 2011 онд СУИС төгссөн Б.Золжаргал, 2003 онд “Мюзик Халл” сургуулийг төгссөн Б.Эрдэнэбаяр, 2012 онд “Сити” дээд сургуулийг төгссөн Х.Өнөрбаяр, 2013 онд СУИС төгссөн Ц.Төгсбилэгт зэрэг жүжигчдийг авчээ.

Драмын театрын өндөр босгыг давсан эдгээр залуус “Театр студи”-ийн жүжигчин буюу УДЭТ-ын дагалдан жүжигчнээр хоёр жилийн хугацаанд ажиллаад цаашид театрт үргэлжүүлэн ажиллах эсэх нь шийдэгдэх аж.







Эх сурвалж: www.mminfo.mn