Ким Жон Ун шинэ баллистик пуужиндаа сэтгэл хангалуун байна

Умард Солонгосын удирдагч Ким Жон Ун баллистик пуужин бүтээхэд оролцсон батлан хамгаалах аж үйлдвэрийн салбарын эрдэмтэд, технологичид болон ажилтнуудтай хамт зургаа авахуулсан тухай Солонгосын төв цахилгаан мэдээний агентлаг мэдээлж байна.

Уг баллистик пуужинг тавдугаар 9-нд шумбагч онгоцноос харважээ. “Шумбагч онгоцноос баллистик пуужин харвах технологи боловсруулсан нь Ким Ир Сен болон Ким Жон Ирийн Солонгосын сүр хүчийг дэлхий дахинд харуулсан бас нэгэн түүхэн үйл явдал боллоо” гэж Умард Солонгосын удирдагч онцлон тэмдэглэсэн байна.

Дээд командлагчийн хувиар тэрбээр уг пуужинг бүтээгчдэд “Солонгосын Хөдөлмөрийн нам байгуулагдсаны 70 жилийн ойд стратегийн энэ хүчирхэг зэвсгээр маш сайхан бэлэг барьсанд” талархаж буйгаа илэрхийлжээ.

Шумбагч онгоцноос баллистик пуужин харвасан туршилтыг Умард Солонгост амжилттай болсон гэж үзжээ. Тус улсын хэвлэлүүдийн мэдээллээр, уг пуужинг маршал цолтойгоор улсынхаа Зэвсэгт хүчнийг удирддаг Ким Жөн Уны өөрийнх нь санаачилгаар бүтээжээ. Тавдугаар сарын 9-нд тэрбээр шумбагч онгоцноос пуужин харвах туршилтыг биечлэн ажигласан байна.

О.Мөнхдуулга