Спорт авиралтын шинэ ханатай боллоо

Өнгөрсөн амралтын өдрүүдээр “Зайсан голден вилл”  бэлтгэлийн төвд  спорт авиралтын тэмцээн зохион байгуулагдлаа.  Шинээр байгуулагдсан хадан хананы нээлтийг   тохиолдуулан  хоёр насны ангилалд 57 тамирчин хурд хүчээ сорьж өрсөлджээ.

Шинээр баригдсан  спорт хадан хана нь 12 метрийн өндөртэй юм байна. Энэ нь мэргэжлийн тамирчдад зориулсан стандартад нийцсэн гэдгээрээ онцлог болж байгаа ажээ. Спорт авиралт нь олимпийн наадамд багтах магадлал өндөр  гэсэн ангилалд  багтдаг.   Иймээс хүүхэд залуусыг тус спортоор мэргэжлийн төвшинд хичээллэхэд түлхэц болох  зорилгоор Монголын  мөсөнд авиралтын  спортын холбооны тэргүүн, Олон Улсын хэмжээний мастер Г.Бат-Оронго тус хадан ханыг  санаачлан байгуулжээ.