Солонгост сурч байсан оюутан гурван жилийн ял сонсов

БНСУ-ын Тэгү хотын шүүхээс энэ сарын 8-ны өдөр Монгол улсын иргэн, 27 настай оюутан, эрэгтэй Л-д гурван жилийн хорих ял оноожээ.
Учир нь түүнийг насанд хүрээгүй эмэгтэй хүүхдийг хүчирхийлэхийг завдсан хэрэгт буруутган шалгаж, ийнхүү хорих ял оноосон байна.

Өөрөөр хэлбэл,  анхан шатны шүүх түүнд гурван жилийн ял оноож, давж заалдах шатны шүүх ялыг хэвээр үлдээжээ. Тэрбээр хэрэг үйлдэх үедээ согтууруулах ундаа хэрэглэсэн, биеэ хянах чадваргүй байсан нь мөрдөн байцаалтын явцад тогтоогджээ.

Дашрамд дуулгахад, Л нь БНСУ-ын Засгийн газрын тэтгэлгээр тус улсад суралцаж байсан гэнэ.

мминфо.мн