М.Нарагийн бас нэгэн авьяас илэрчээ

Тал бүрийн авьяастай гэгддэг дуучин М.Нарагийн нэгэн шинэ авьяас өчигдөр орой МУГЖ Б.Сарантуяагийн тоглолт дээр илрэв. Дуучин бүсгүй маань Гавьяат жүжигчний төрсөн өдрийн тоглолтод рок, попын үеийн хэдэн бүсгүйтэй ая дуугаа өргөхөөс гадна тоглолтыг хөтлөн явуулжээ.

Энэ талаараа тэрбээр “За, Сараа эгчийн маань тоглолт маш амжилттай эхэллээ. Нара нь өнөөдөр цоо шинэ ажилд хүч үзэж байгаа шүү. Ийм том тоглолт дээр, ийм том тайзны хөтлөгч хийнэ гэдэг асар том хариуцлага, зориг байдаг юм байна. Эхний гараанд хөл чичирсэн шүү. Хамтран хөтлөгч Мөнхсайхан ах байгаа болохоор бас түшигтэй байна” хэмээн бичжээ.

Ийнхүү юм бүхэнд манлайлагч байхыг хүсдэг дайчин бүсгүй юуг ч хийж чадна гэдгээ тодхон харуулсан аж. /викимон.мн/