Явуулын хөдөлмөрийн бирж Багахангай дүүрэгт ажиллаж байна

Яг одоо Монголын Залуучуудын Холбооны дэргэдэх Залуучуудын Хөдөлмөрийн Төв Биржийн явуулын хөдөлмөрийн бирж нийслэлийн алслагдсан дүүрэг болох Багахангай дүүргийн 1-р хороонд ажиллаж байна. Тус хороо нь нийт 2000 хүн амтай. Ажил хайгч бүртгэлтэй иргэдийн тоо 279 байгаа юм.Дүүргийн иргэд хөдөлмөрийн өдөрлөгт идэвхтэй оролцож байгаа төдийгүй  ажил хайгчид ихэвчлэн бүтээн байгуулалтын ажилд гар бие оролцох хүсэлтэй байгаагаа илэрхийлсэн байна. Тэдний хувьд нийслэлд ирж ажиллая гэхээр амьдрах байр сууцны хувьд бэрхшээлтэй байдаг гэдгийг ч учирлаж байна. Үдээс хойш явуулын бирж тус дүүргийн 2-р хорооны иргэдэд хүрч ажиллана.Харин маргааш буюу 4 сарын 3-ны өдөр Багануур дүүрэгт ажиллах юм.Иргэдийг ажлын байранд зуучлах мэдээлэл өгөх үйл ажиллагааг хамтран зохион байгуулж байгаа Багахангай дүүргийн Хөдөлмөрийн хэлтэс болоод Багахангай дүүргийн Залуучуудын Холбооны хамт олонд талархал илэрхийлье.