ШУТИС-ийн хойд замыг маргааш хаана

Нийслэлийн Авто замын газраас “Зам засварын ажил 80 орчим хувьтай үргэлжилж байна” хэмээн мэдээллээ.

Бага тойруугийн 2.6 километр замыг засаж, шинэчлэх ажил үргэлжилж байгаа. Энэ ажлын хүрээнд хүнсний дөрөвдүгээр дэлгүүрийн уулзвараас ШУТИС-ийн уулзвар хүртэлх 600 метр замыг хаагаад байсан юм.

Тэгвэл өчигдрөөс эхлэн ШУТИС-аас МУБИС хүртэлх 400 метр замын хөдөлгөөнийг хаалаа. Засварын ажил ирэх сарын 2-ныг хүртэл үргэлжлэх аж. Харин ШУТИС-ийн хойд уулзварын замыг энэ баасан гарагаас ням гараг хүртэл хаахаар төлөвлөжээ.